Öruggt umhverfi fyrir ungmenni með fatlanir. Við vildum fara út til Sundsvall að skoða hvernig þau haga þessum málum fyrir sín ungmenni en Svíþjóð er talið vera framarlega í málefnum fatlaðra. Við vildum sjá hvað þau hafa uppá að bjóða fyrir ungmennin eftir skóla og hvernig þau mæta þörfum þeirra almennt. Okkur fannst líka frábært að mynda tengsl við aðra þjóð sem er að vinna að sama markmiði og við og vera þannig að skiptast á hugmyndum og upplifunum okkar af starfinu. Einnig var ferðin góð leið til þess að þjappa starfshópinn okkar saman sem bætir starfsanda og samvinnu.