Со имплементацијата на проектот сакавме да постигнеме јакнење на дигиталните вештини на членовите на нашата организација и нивно активно користење на алатките Веб 2.0. Целта беше да им се овозможи подобро разбирање и практична примена на дигиталните технологии, да се зголеми соработката и комуникацијата, како и да се надмине чувството на несигурност и неподготвеност во дигиталната средина.
Нашата организација работи во образовниот и социјалниот сектор со цел јакнење на дигиталните и општествените компетенции кај ученици, наставници и заедницата. Контекстот на проектот произлегува од потребата за поголема дигитална писменост, инклузија и усогласување со европските приоритети. Со активности за обука и соработка се создаваат современи образовни средини и се поттикнува активно граѓанство.