Markmið verkefnisins voru að skapa öruggt og valdeflandi rými fyrir hinsegin ungmenni á aldrinum 13–17 ára sem sækja hinsegin félagsmiðstöðvar víðsvegar um landið. Með því að halda Hinsegin Landsmót vildum við efla félagslega virkni ungmenna í gegnum fjöruga dagskrá þar sem áhersla var lögð á hópefli, fræðslu, samskipti og þátttöku. Þá vildum við einnig leggja ríka áherslu á að ungmenni utan höfuðborgarsvæðisins hefðu jafnan aðgang að slíku rými og fái tækifæri til að mynda ný tengsl og víkka sjóndeildarhringinn.